Ramayan Shat Koti Apaara

Jai Sri Ram

Goswami Tulsidas Ji Maharaj ko naman . Aaj Tulsi Jayanti ka shubh din hai. Meri iccha hai ki unke amulya granth Ram Charit Manas jo ki Ramayan bhi kahi jaati uske mahatva ki charcha karun.

 

Vastav mein Ram Katha ka ek etihaasik kathanak se kahin adhik mahatva hai. Aisa nahin hai ki Ram ne manav roop mein avtaar nahin liya, wo to satya hai hi kyonki anek kaaranon se Ram kai baar avataar liye jin mein kalpbhed (alag alag kalp) thaa . Ram Katha ka sandesh aur dharm samsthaapna ka uddeshya har baar ke avataar mein samaan roop se thaa.

 

Ram Katha ko Bhagwaan Shiv ne apne manas mein rach kar suyogya paatron ko sunaaya . Yahaan rachna ka arth ye nahin hai ki Bhagwaan Shiv ne koi kalpnik baat kahi varan unhone Ramji arthaat paraatpar bhrahman ke nar-roopy avataar mein parilakshit dharma aur eeshwariya vaibhav wa prabhav ka smapoorn gyaan prapta karke uska samsaar ke hit ke liye prakaashan kiyaa . Ye unke anugrah ke kaaran thaa anyathaa unhone bhi  apne swayam ke santosh ke liye hi Ram Katha ke vibhinn pahluon ka anusandhaan kiya thaa.

 

Goswamiji ne bhi apneee rachnaa ka hetu swantahsukhaaye hi bataaya hai par santon ki mahima aisi hai ki kisi bhi bahumulya vichaar ko lokhit ke liye uchit roop mein bhagwat bhakton ke liye ujaagar kar detey hain. Yah sab unkli ahaituki kripa hai.

 

An prashna yeh aata hai ki Ram Kathaa ke samast pahlu aur karneey wa akarneeya vyavhaaron ka gyaan kaise prapt ho. Is ke liye yeh kahaa ja saktaa hai ki jitna ishwar ka anugrah hoga utnaa hi iske gupt rahasya paathak ko ujaagar honge. Ishwar ka anugrah unke prati prem ke baddhane se prapt hota hai aur iske prakhartaa ke aadhaar par naye naye aayam jo katha mein nihit hain wo saamney aatey hain.

 

In sabhi aayaamo ki gannana nahin ho sakti kyonki sabko apne star ke aadhaar par bodh hota hai. Isi liye yeh kah sakten hain ki Ramyan ke aganit aayaam hain. Is ki pratyaksha anubhuti sab ko hoti hai yadi Ramaya ka pathhan nitya aur shradhha se kiya jaye. Yahan bhashaa ka purv gyaan bhi aavashyak nahin hai kyonki maine anubhav kiyaa hai samasta gyaan ke bhandaar jo swayam paramatma hain wo arth ko spashta kar dete hain.

 

Paathak yeh dhyaan rakhe ki Shiv jo ki vishwas ke devtaa hain aur Parvati jo ki shraddha ki murti hain unke prati purntah natmastak ho kar ke hi Ram aur Ram Katha ki taraf baddhanaa chaahiye. Shiv-Parvati ke charit ko isi liye Ramayan ke pahle bhaag mein rakhaa gayaa hai.

 

Meri aashaa hai ki aap bhi is lekha se prerna lekar Ramcharit Manas ka avgaahan karenge aur apne anubhav se aatmik santosh payenge. Goswamiji kahte hain ki ‘seye bin raghunath pad jiy ki jaran na jaye’ . Yadi antahkaran ko shaanti ki anubhuti deni hai is marg par chaliye.Jai Jai Sri Ram.

 

Hariom,

Krishna Khandelwal

P.S. You may go through the explanatory Doha-wise commentary at http://www.balvachan.wordpress.com , a post appears there almost daily.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s